Swearing-in of new MPs and officials; discussion on non-implementation of Civil Servants Law (Law No. 11)

Muqdisho, Soomaaliya – 03 Luulyo 2025: Guddoomiyaha Golaha Shacabka ee Baarlamaanka Federaalka Soomaaliya, Mudane Sheekh Aadan Maxamed Nuur (Madoobe), iyo Guddoomiye Ku-xigeenka Koowaad, Marwo Saadiya Yaasiin Xaaji Samatar, ayaa guddoomiyay kulanka toddobaadlaha ah ee Guddiga Joogtada ah ee ka dhacay Xafiiska Guddoomiyaha iyo Guddiyada ee Villa Hargaysa. Kulanka waxa lagu bilaabay dhaarinta xildhibaano cusub iyo masuuliyiin cusub oo ka tirsan dowladda, iyadoo dhaarta uu qaaday Sargaalka Anshaxa ee Golaha Shacabka, Mudane Maxamed Cabdullaahi Xasan Nuux. Ka dib dhaarinta, Guddiga Joogtada ah waxa uu ka dooday hirgelin la’aanta Xeerka Shaqaalaha Rayidka (Xeer Lr. 11), iyadoo xubnuhu muujiyeen walaac ku saabsan saameynta ku timaadda hufnaanta iyo isla xisaabtanka hay’adaha dowladda. Guddigu wuxuu u xilsaaray Guddiga Horumarinta Adeegyada Bulshada iyo Guddiga Caddaaladda inay diyaariyaan warbixin dhammaystiran oo loogu soo gudbin doono fadhiyada guud ee soo socda.